طريقة الطرز بالسقلي والتنبات مع طريقة الرشم على ثوب الموسلين



سلام لبنات نتمنى تكونو في احسن لاحوال جبت ليكم ليوم واحد الرشمة كاتجي زوينة وساهلة فلخدمة

كيف ما كاتعرفو هادا الطرز الرباطي بالسقلي والتنبات خدمتو على توب الموسلين ونتوما يمكن ليكم تخدموه على اي توب ختاريتيه ماشي ضروري يكون نفس التوب ليخدمت عليه انا

اول حاجة كانبداو بيها هي الرشم على التوب ليختارينا ويلا كنتي ماكاتعرفيش ترشمي راه عندي عدة فيديوهات فلقناة كانوضح فيها الطريقة كيفاش ترشمي على توب موسلين او توب مبرة واتواب اخرى

كاناخدو التوب ليرشمناه ونبداو بالطرز هو لول لانه الى سبقنا التنبات فاش غانجيو نطرزو غايبقى يلصق لينا السقلي فلعقيق وفلحجيرات

ادن من لاحسن نطرزو الرشمة كاملة وعاد نبداو بالتنبات ببالنسبة لطريقة ليخدمت بيها انا

دوك لوريدات لكبار طرزتهم بالسقلي ونبتهم بالحجر صغير وكبير ودرت لوسط ديك لوريدة ديال التوب تبتها بحجيرة كبيرة شوية ولوريقات لكبار طرزت نصف بالسقلي والنصف لاخر نبتو بالعقيق لمهرس ولوريقات الصغار كاين لينبتهم بالعقيق لمهرس وحطيت فلوسط حجيرة كبيرة فالون لاخضر وكاين لوريقات ليطرزتهم بالسقلي ودرت في الوسط كدلك حجيرة كبيرة بالون لاخضر

كانضن انني عطيتك معلومات كافية باش يمكن ليك تخدمي هاد رشمة ويلا بغيتي المزيد من الشرح لفيديو فلاسفل كايوضح كولشي



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *