سلام لبنات لباس عليكم نتمنى تكونو كاملين بالف خير
ليوم جبت ليكم هاد الرشمة .عجباتني بزاف .هاد لايام انشاء الله غانوجد واحد القفطان ديالي بغيت نطبق عليه هاد رشمة
لبنات انا حطيت ليكم هاد الرشمة باش ليبغات تبدى معايا الخدمة من لول حتى لاخير مرحبا بيها
تهز الرشمة وتاخد التوب ونفس السلعة ليغادي نخدم بيها
بالنسبة للمراحل غادي نزلهم كاملين باش يمكن ليكم تبعو معايا الخطوات
مرحلة بمرحلة واكيد غاتجيكم الخدمة ساهلة والنتيجة غادي تعجبكم
هاد الرشمة البنات هي تنبات على الجيلاتين بليزيسطراس وحجر الزمرد
غادي نطبقها على توب المبرة خديتو رخيص غير ب 40 درهم للمتر
كيف ماكاتعرفو لخدمة على توب المبرة كاتجي ساهلة وهو ليصلاح فهاد البرد وتايجي انيق فلبسة
يالاه البنات هزو الرشمة .و وجدو التوب والسلعة ويالاه نبداو الخدمة جميع
غادي نفرح بزاف ملي نشوف تطبيقات ديالكم
