سلام لبنات نتمنى تكونو كاملين في احسن الاحوال
ليوم انشاء الله جبت ليكم هاد رشمة جديدة كيف ماكاتشوفو رشمة زوييينة بزاف وساااهلة فلخدمة
وكاتجي رااقية فلبسة .انا متاكدة غاتعجبكم وغاتجيكم ساهلة فلخدمة وكاتوجد في وقت قصير
كيف ما كاتعرفو دابة مابقى والو لفصل الربيع .تايكونو المناسبات بكترة مافيها باس نوجدو حويجاتنا على بكري
هاد الرشمة الجديدة هي تنبات على الجيلاتين
بالنسبة للسلعة لي غانخدمو بيها .التمن ديالها ماغاليش و موجودة بكترة عند المحلات لي كايبيعو لوازم الطرز والتنبات
غانحتاجو الجيلاتين و ليزيسطراس والطوبي والحجيرات الزمرد او اي نوع حجر ختاريتو ولالوان على حسب الذوق واللون ديال التوب ليختاريتو
لمهم هادشي لي غاتحتاجو فالمرحلة لاولى ومن بعد غاتحتاجو للصاق الخاص بالتوب هو ليغادي تبتو بيه الرشمة على التوب لانه ماغانحتاجوش لا ابرة ولا خيط
كيف ماكاتشوفو هاد الرشمة فيها لوريدات ولوريقات صافي يعني ساهلة بزاف فلخدمة
كانتمنى تكون عجباتكم هاد الرشمة ويلا بغيتو تفاصيل اكتر وطريقة الخدمة يمكن ليكم تشوفو لفيديو راه فيه كولشي بالتفصيل