سلام لبنات نتمنى تكونو كاملين في احسن حال
ليوم جيت وجبت معايا الجديد
جـبـت ليكم اليوم رشمة ديال النخوة حاولت انني نطبقها لكم كيف ماهي
فصراحة الشكل ديال هاد القفطان جا زويين بزاف بهاد الرشمة جات انيقة وشكل زوين بزاف
واخة كاتبان ليكم الرشمة عامرة بزاف راها ساهلة دغيا كاتوجد لانني خدمتها غير بليزيسطراس والكافيار وطبعا الخدمة على توب المبرة كاتجي ساهلة وزوينة بزااف
بالنسبة البنات للسلعة لي خديت لهاد القفطان:
خديت الجيلاتين الكمية الكافية ووليزيسطراس الرقم ديالهم 8.5AB
التمن ديال ليزيسطراس 30 درهم والكافيار التمن ديالو 20 درهم
وغادي نحتاج الكولة باش غانلصق الجيلاتين على التوب الرقم ديالها B7000
بالنسبة لهاد سلعة راها رخييصة بزاف يعني لقفطان ماغاديش يطيح عليك غالي بالعكس غاتعجبك النتيجة
لمهم البنات انا حاولت انني ناسق الالوان على حسب الذوق ديالي وطبعا كل وحدة وذوقها
يمكن ليك تختاري لالوان لي كاتناسبك
لبنات هاد رشمة راها جديدة انا كانحاول ديما نجيبلكم كل ماهو جديد وفي نفس الوقت انيق
بالنسبة لبنات ليبغاو يشوفو الطريقة بالتفصيل راني حطيتلكم لفيديو
