تطبيق الرشمة لي وريتكوم على ثوب الموسلين اللبسة الزرقاء



سلام لبنات نتمنى تكونو كاملين على خير لمهم ليوم جبتلكم هاد رشمة كاتجي راقية وانيقة فلبسة وفي نفس الوقت ساهلة فلخدمة ديالها والمواد المستعملة بسيطة ورخيصة فتمن ماغالياش

غانحتاجو توب انا هنا ختاريت توب موسلين ونتي لك الاختيار بالنسبة للتوب ليغاتخدمي عليه وغانحتاجو لموزونة انا ختاريتها زرقة فنفس لون توب وغانحتاجو حجيرات وعقيق مهرس وشوية ديال ليزيسطراس بالنسبة للالوان كاتلعبي بيهم كيفما بغيتي وكاتشوفي شنو ليغادي يناسب لون التوب ليختاريتي

بالنسبة لطريقة ديال الخدمة ساهلة بزاف ماصعيباش كاترشمي الزواقة ليبغيتي على التوب وغاتبداي من دوك لوريقلت غاتخدميهم بالعقيق لمهرس ودوك لوايا ت غاتخدميهم بليزيسطراس وغايبقاو دوك لوريدات غاتخدميهم بالمزونة وديري فقلب منهم دوك لحجيرات

كوني متاكدة غير غاتبداي الخدمة وطلقي يديك فيها غاتجيك ساهلة وغادي تولفي لخدمة وتولي تجيك ساهلة وتكمليها فوقت قصير

بالنسبة لهاد رشمة ليخدمت هنايا راها تاتكون فصدر وراني خليت ليكم الرشمة ديال ضهر ولكمام

بالنسبة للبنات ليبغيو يشوفو الطريقة بالتفصيل هانا خليت ليكم الفيديو فيه الشرح بطريقة بسيطة وساهلة



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *