رشمة القفطان الأخضر



سلام لبنات كنتمنى تكونو في احسن لاحوال

كيفما كاتعرفو العالم كايمر من ضروف صعيبة ..بالصبر والتعاون غانتغلبو على هاد لازمة والقادم احسن انشاء الله

بما اننا غانلتازمو جميعا بالحجر الصحي مافيها باس نوجدو شي قفيطين او جلابة نشغلو راسنا ونتغلبو على الملل

هاكدا مانحسوش بالخوف والهلع ونوضفو لوقت ديالنا فشي حاجة تعود علينا بالنفع

تحت الطلب ديالكم غانشارك معاكم هاد القفطان الملكي ووحدت ليكم

رشمات ديالو صغيرة وكبيرة سبقلي خدمت معاكم هاد الموضيل فلقفطان الاحمر

كيف ماكاتشوفو هاد رشمة ساهلة بزااف فيها رشمة كبيرة فصدر وديك رشيمات صغار

هاد رشمة ماكاتحتاجش بزاف ديال سلعة بالنسبة لسلعة ليغانحتاجو فيها

غانحتاجو طوبي وليسطراس وباك سطراس وحجيرات لسان طير والهرم والجيلاتين

بالنسبة البنات طريقة باش خدمت هاد لقفطان

خدمت لكمام وصدر وضهر بالرشمة لكبيرة

ورشمة صغيرة رشيت بيها لقفطان وخدمتها على شكل ساري كيف ماهو موضح فلقفطان

هاد رشمة البنات كاتحي همة وشان فلقفيطنات او لباسي وساااهلة فلخدمة ديالها

يمكن ليكم البنات تشوفو لفيديو راه فيه الطريقة بالتفصيل كيفاش خدمت القفطان



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *