سلام عليكم لبنات نتمنى تكونو كاملين بصحة جيدة
جبت ليكم اليوم طريقة التنبات على الجيلاتين طريقة ساهلة وجد بسيطة والمواد المستعملة رخيصة جدا
بالنسبة لهدا النوع ديال التنبات على الجيلاتين ولينا كانشوفوه بزااف سواء عند المحلات ليتايبيعو مستلزمات الطرز والتنبات او كانشوفوه عند النساء خادمينهم سواء فجليلبات او قفيطنات
لانه فصراحة سهل تقدري توجدي جليلبة ديالك او قفطان في يوم واحد
كوني متاكدة غايطيح عليك رخيص في التمن والنتيجة غاتكون مرضية %100
بالنسبة لهاد رشمة غاتكون فصدر خدمتها على الجيلاتين ساهلة بزاااف دغيا وجدتها وبالنسب للسلعة ليستعملت فيها
خديت جيلاتين وحجيرات وشوية ديال كافيار وشوية ديال لعقيق وليزيسطراس
اما بالنسبة لطريقة الخدمة غادي تاخدي الجيلاتين وتحطيه فوق الرشمة وتبداي بليزيسطراس هوما لولين باش باش تحددي لمكان ليغادي تحطي فقلب منو لكافيار ولعقيق صافي ملي تكملي لخدمة ديالك غاتحطي دوك لحجيرات على شكل وريدات فلوسط ديال الرشمة
واهم حاجة خاصك ديريها باش يلصق جيلاتين على هاد لحجيرات ولكافيار وليزيسطراس
غاتاخدي مكوات الملابس وغادي تقلبي الرشمة ديالك يغني يكونو لحجيرات من لتحت وتحطي توب فوق جيلاتين ودوزي عليه بالمكوات
هاد لعملية غاتخلي جيلاتين يلصق مزيان مزيان
هاد لخدمة على جيلاتين غاتخليك دخلي مصروف الى تاجرتي بيها يعني توجدي رشامي وتبقاي تبيعيهم فلاول خدمي غير مع العاءلة ولاصدقاء ومن بعد غاتولفي لخدمة وتولي تخدمي مع مالين المحلات ليكايبيعو هادشي باش نوضح ليك كتر دخلي تشوفي لفيديو غاتفهمي مزيان شنو كانقصد
