سلام لبنات! كيف دايرين؟ لباس عليكم؟ كيف عاملين مع هاد لبرررد؟
ليوم جبتلكم هاد رشمة زوييينة بزاف انيقة وساااهلة فلخدمة ديالها
هاد الموضيل البنات مطلوب بزاااف في المناسبات كايجي بيه القفطان عامر وعاطي للعين
كيف ماكاتشوفو الرشمة جات زوينة والزواقة متنوعة كاين رشمة فلكمام والصدر والربوعة والمضمة
لمهم لقفطان بهاد الرشمة كايجي رووعة وقمة الرقي
دابة غادي نقوليكم اشنو هي السلعة ليخدمت بها هاد لقفطان
خديت توب مبرة لقياس ديالو 2.5متر ختاريت اللون النحاسي
نتوما يمكن ليكم تختارو لالوان حسب الرغبة ديالكم .ماشي ضروري تختارو نفس هاد اللون
وخديت ليزيسطراس فنفس لون التوب ولحجيرات والطوبي وورق الجيلاتين القياس ليغادي يكفيني
لبنات هاد لقفطان جا زوين بزااف هاد الرشمة ساهلة وجات زوينة على هاد التوب
لقفطان جا كولو تايلمع بدوك لاحجار وليسيسطراس كانصحكم البنات تخدمو بحالو انا اكيدة النتيجة غاتعجبكم وغادي تحصلو على قفطان تايحمر لوجه
راكم عارفين المبرة تايجي همة وشان فلبسة وعاد مع هاد الرشمة غاتكوني احسنتي الاختيار
بالنسبة لطريقة الخدمة بالتفصيل غاتلقايها فلفيديو
